মনু পাড়র মনুষ

April 19, 2016, এই সংবাদটি ৭৫২ বার পঠিত

জালাল নুরী 

ধারাবাহিক-৮

দেখলাম কত বাসও আইতো বান্দি লাম্বা চাইল।

ভাটিত ইতা লইয়াও জাহিতা বড় গাছর ফাইল।।

ভাঠির দেশ এমন পরিবেশ ভরাখাল আর বিলে।

ঢেউয়ের আড়া পানির সারা ডর লাগেবা চাইলে।।

এওত আইলে গাছ পালা পাইলে বাড়ী বান্দার আশ।

বইন্না হইলে উজানি গেলে দাম দিয়া কিনইন বাঁশ।।

বেশির ভাগে গাছ পালা লাগে তারার অনোনায়।

কতযে অভাব উজানির লাব মনু বায়দিতো জায়।।

নদি দিয়া বাইয়া ভাইয়া জাইত কলার ভুরা।

কাওয়া বইত খাঁ-খাঁ কইত গাংচিল দিত উড়া ।।

উলুছনর বাগানর ভর ইকড় ও জালি বেথ ।

মনু নদিরো দুই পারো থাকতো কুইয়ার ক্ষেত।।

কুইয়ার ক্ষেতো পাখি বইতো সকাল আর বিকাল।

ঝাক বানতা বাসা দিতা পিড়ীলারও পাল।।

সইন্দা ভুরে পাখির সুরে হৃদয় হইতো পাগল।

হায়রে জ্বালা কইযে গেলা অত পাখির দল।।

আগন পৌষ নাইহোস কুইয়ার কাটার কাম।

কল বয়াইয়া কুইয়ার পেরিয়া বাড়াইতা নাম।।

ভৈশে গুরে কইয়ার ফেরে জুয়াল কান্দ লইয়া।

রশ রান্তা গুড়ঁ বানাইতা সুন্দর লাগতো চাইয়া।।

……….গত সংখ্যার পর ।

সংবাদটি শেয়ার করতে নিচের “আপনার প্রিয় শেয়ার বাটনটিতে ক্লিক করুন”
  •  
  •  
  •  
  •  
  •  
  •  
  •  
  •  
  •  
  •  
  •