আম কাটল খরিদ করতা গেরামে হাটিয়া।।

বড় নাও ভরিয়া লইতা আম আর কাটলে। তারার দেশো ইতানাইও খাইবা তারা নিলে।। পাহাড়র মাজে নাই মাছ কি লাব হইব জালে। মরু ভূমিত মেগ নাই  গাছ হয়না বিলে।। বেছাকিনা শেষ হইলে আল্লাহর নাম লইয়া। নৌকা ভরিয়া জাইতা গিয়া কতদিন থাকিয়া।। অত সুন্দুর ছৈয়ার নাও দাড় বৈটার টান। আনন্দতে বাইয়া জাইতা গাইয়া ভাটির গান।। ভাটি বাইয়া জাইতা নাইয়া বাজাইতা করতাল। নাওয়ে ভরা ভুজাই করা ঢেউয়ে মারতো ফাল।। বিয়া সাদি হইত যদি আগর দিনও  নাওয়ে। ছইয়ার ভীতরদি কান্দি কান্দি যাইথা নয়া বৌয়ে।। কান্দারতালে কয় বেয়াক্কল দেখতে জলদি আও। চিল আইয়া মুরগী তইয়া ধরিয়ারে নিল ছাও।। মাস্তুলর আগা মাইকর চুংগা ভীতরে কলর গান। ঘর থাকি বারইয়া দেকি হুনইন বিয়ার গান।। হায়রে মজা খবর সুজা লাগছেবা বুবুর বিয়া । ধামাইল-মাইক বাজাইয়া পালকি জাইতা লইয়া ।। বেগার বেগার আট বেগার আছিল ধফায় ধফা। কান্দ লইয়া হাটিয়া জাইথা পালকি আর মাওফা।। ..........গত সংখ্যার পর ।