আবু সাঈদ রুপিয়ান :

কুল্লে বেটিয়াইন দলা অইছইন বুচ্ছোনিবা মিয়া,
ধামাইল দেরা গীতোর লগে ওউ বাড়িতনু বিয়া।
তারিখ উরিখ পড়ি গেলে জিনি যাইতা বেটিন,
দাদায় কইতা বেদিন নিবে হেটির ঘরোর হেটিন।

নমাজ ও নাই রোজা নাই মাথাত ও নাই তেনা,
গুয়া খাইয়্যা ফিক পালাইরা আযানও মানেনা।
দাদিয়ে কইলা মাতইয়োনা আর ফুর্তি করের থুরা,
চিল্লাও কেনে নিরাই থাইক্যো ওবা পাকনা বুড়া।
বিয়া অরগি মাইনসোরও যে করের কিত্ কিত্,
কইবোনেগি বউতদিনেবা হুনছি ধামাইল গীত।